اے کے ڈی گروپ کے بارے میں

ایک نام جس پر آپ ہمیشہ اعتماد کر سکتے ہیں۔

رئیل اسٹیٹ کے کاروبار کے ساتھ 1947 میں شروعات کی اور پھر اسٹاک بروکریج کے کاروبار میں آئے۔ مرحوم حاجی عبدالکریم ڈیڈھی نے فاؤنڈیشن کی بنیاد رکھی جو آج اے کے ڈی گروپ اور پاکستان میں ایک اہم کاروباری اداروں میں سے ایک ہے۔

جناب عقیل کریم ڈیڈھی، مرحوم حاجی عبدالکریم ڈیڈھی کے بیٹے اور گروپ کے چیئرمین ہیں۔ چیئرمین کی قیادت میں، گروپ نے ایک کامیاب کاروباری ادارے کے طور پر اپنے آپ کو منوایا ہے اور مالیاتی خدمات، ٹیلی کام، انفراسٹرکچر، مینوفیکچرنگ اور قدرتی وسائل جیسے پاکستانی معیشت کے کئی اہم سیکٹرز میں خدمات سر انجام دے رہے ہیں۔

جناب ڈیڈھی 'فرسٹ موور ایڈوانٹیج' پر یقین رکھتے ہیں اوریہ فلسفہ واضح طور پر ان کے اقدامات میں دیکھا جاسکتا ہے۔ اے کے ڈی سیکیورٹیز نے پاکستان میں جدید آن لائن اسٹاک ٹریڈنگ سروس متعارف کروائی ہے اور آج بھی اس میدان میں صف اول ہیں۔ ملک میں پہلا ٹیکنالوجی وینچر کیپیٹل فنڈ 2000 میں اے کے ڈی کی طرف سے شروع کیا گیا تھا۔